Мадриднинг “Реал” клуби бош мураббийи Карло Анчелотти Испания чемпионатининг 11-туридан ўрин олган “Севилья” устидан қозонилган ғалаба (3:1) ҳақида фикр билдирди.
"Қаймоқранглилар"нинг ўйиндаги охирги иккита голини захирадан майдонга тушган футболчилар иштирокида киритилди: Лукас Васкес мадридликларнинг 2-голига муаллифлик қилган бўлса, Марко Асенсио 3-голга ассистентлик қилди.
“Бизда ажойиб захира ўриндиғи бор. Захирадан майдонга тушган йигитлар ўйинга таъсир этса, бу жамоанинг соғлом эканлигидан далолатдир.
Ҳозир мавсумнинг бир қисми, чунки ҳар бир ўйин жисмоний ва руҳий жиҳатдан жуда чарчатади. Биз тўхтай олмаймиз. Курашни давом эттиришимиз ва ғалаба қозонишимиз керак.
"Реал Мадрид" - бу мураббийлик қилишдан завқланадиган жамоа, чунки ҳамма менинг қарорларимни ҳурмат қилади ва (бу) ҳеч қандай муаммо туғдирмайди", деди Анчелотти ўйиндан кейин.
Мадриднинг “Реал” клуби 31 очкога эга бўлиб, Ла Лига турнир жадвалидаги пешқадамлигини мустаҳкамлаб олди. “Севилья” 10 очко билан 14-ўринда бормоқда.
