Madridning “Real” klubi bosh murabbiyi Karlo Anchelotti Ispaniya chempionatining 11-turidan o‘rin olgan “Sevilya” ustidan qozonilgan g‘alaba (3:1) haqida fikr bildirdi.
"Qaymoqranglilar"ning o‘yindagi oxirgi ikkita golini zaxiradan maydonga tushgan futbolchilar ishtirokida kiritildi: Lukas Vaskes madridliklarning 2-goliga mualliflik qilgan bo‘lsa, Marko Asensio 3-golga assistentlik qildi.
“Bizda ajoyib zaxira o‘rindig‘i bor. Zaxiradan maydonga tushgan yigitlar o‘yinga ta’sir etsa, bu jamoaning sog‘lom ekanligidan dalolatdir.
Hozir mavsumning bir qismi, chunki har bir o‘yin jismoniy va ruhiy jihatdan juda charchatadi. Biz to‘xtay olmaymiz. Kurashni davom ettirishimiz va g‘alaba qozonishimiz kerak.
"Real Madrid" - bu murabbiylik qilishdan zavqlanadigan jamoa, chunki hamma mening qarorlarimni hurmat qiladi va (bu) hech qanday muammo tug‘dirmaydi", dedi Anchelotti o‘yindan keyin.
Madridning “Real” klubi 31 ochkoga ega bo‘lib, La Liga turnir jadvalidagi peshqadamligini mustahkamlab oldi. “Sevilya” 10 ochko bilan 14-o‘rinda bormoqda.
