"Арсенал" ва Англия терма жамоаси ярим ҳимоячиси Букайо Сака 2021/2022 йилги мавсумда миллий терма жамоанинг энг яхши футболчиси деб топилди.
"Англиянинг энг яхши футболчиси. Мен учун бу алоҳида шараф ва мен овоз берган барчага жуда миннатдорман”, - дея муносабат билдирди футболчи ижтимоий тармоқда.
21 ёшли Сака ўтган мавсумда терма жамоа сафида 9та ўйинда майдонга тушиб, 3та гол урди ва 1та голли узатмани амалга оширди. Умуман олганда, футболчи Англия терма жамоаси сафида 18 та учрашув ўтказиб, 4 та гол урди ва 4 та голли узатмани амалга оширди.
Англия терма жамоаси навбатдаги ўйинини 23 сентябрь куни, Тошкент вақти билан соат 23:45да Италияга қарши ўтказади. Бу Миллатлар Лигаси учрашуви бўлади.
