Ҳужумчи Килиан Мбаппенинг "ПСЖ" билан келишувининг янги тафсилотлари эълон қилинди.
Le Parisen нашрининг ёзишича, томонлар ўтган мавсум охирида имзолаган шартнома спорт тарихидаги энг йирик шартнома бўлган. Уч йил давомида, ҳужумчи 636 миллион еврогача (солиқлардан ташқари) ишлаб олади.
Демак, маош йилига 72 миллион, шартнома имзолаганлик учун бонус 180 миллион бўлиб, уч босқичда тўланади.
Мбаппе шунингдек содиқлик бонусига ҳам эга бўлиши мумкин. 2023 йилнинг ёзида у 70 миллион, 2024 йилда 80 миллион, 2025 йилда 90 миллион олади.
Олдинроқ ҳужумчи клубини ўзгартириш ниятида экани хабар қилинганди.
Жорий мавсумда 23 ёшли футболчи Лига 1да 11та ўйинда майдонга тушиб, 10та гол урди.
