"Ренн" расмий сайтида ярим ҳимоячи Ловро Майер билан шартнома узайтирилганини эълон қилди.

24 ёшли хорват билан янги шартнома муддати 2027 йилнинг 30 июнига қадар ҳисобланган. Майер “Ренн”га 2021 йилда Загребнинг “Динамо” клубидан келиб қўшилганди.

“Ўтган мавсумда биз ажойиб натижаларга эришдик ва мен худди шу руҳда давом этмоқчиман. Мен клуб билан ўсишни давом эттирмоқчиман. “Ренн”даги дебютимдан кейин ўзимни жуда яхши ҳис қилдим. Бу ўзгармайди ва мен жуда хурсандман. Мен бу жамоага, ходимларга ва мураббийга ишонаман. Биз ҳали ҳам ажойиб ишларни қила оламиз. Бизнинг натижаларимиз буни тасдиқлайди. Жамоа ишончини ҳис қилиш жуда муҳим", - дея футболчидан иқтибос келтиради клуб матбуот хизмати.

У жорий мавсумда “Ренн” сафида барча турнирлар доирасида 14 та ўйинда майдонга тушиб, 2 та гол урди ва 2 та голли узатмани амалга оширди.