“Марсел”дан сотиб олиш ҳуқуқи билан ижарага олинган “Ювентус” ҳужумчиси Аркадиуш Милик Франция чемпионатидаги энг муросасиз рақиблар номини айтиб ўтди.
28 ёшли польшалик футболчи 2021/2022 йилги мавсумда “Марсель” сафида 55 та ўйин ўтказиб, 30 та гол урган.
"Мен булар Маркиньос, Кимпембе ва Серхио Рамос деб айтган бўлардим. Учаласи ҳам жуда кучли, бу триога қарши ўйнаш жуда қийин", - деди Милик L'Equipe нашрига берган интервьюсида.
2 ноябрь куни Чемпионлар лигаси гуруҳ босқичининг сўнгги ўйинида "Ювентус" ўз майдонида "ПСЖ"ни қабул қилади. Айни дамда парижликлар туринликлардан беш очкога олдинда.
