"Челси" марказий ҳимоячиси Калиду Кулибали бугун жамоа билан машғулот ўтказмади. Футболчи жароҳатдан азият чекмоқда. Эслатиб ўтамиз, эртага Тошкент вақти билан 21:45 да "кўклар" Австриянинг "Зальцбург" жамоаси билан сафарда ўйнайди.
Шу тариқа, Кулибалининг эртанги Чемпионлар лигаси гуруҳ босқичи ўйинида майдонга тушиши даргумон. Сенегаллик футболчи Англия Премьер-лигасининг 1:1 ҳисобидаги дуранг билан якунланган “Манчестер Юнайтед”га қарши сўнгги ўйинида ҳам иштирок этмади.
Кулибали шу ёзда Италиянинг “Наполи” клубидан “Челси”га ўтган эди. Сенегаллик ҳимоячининг трансфери учун "кўклар" 38 миллион евро тўлашди.
