"Chelsi" markaziy himoyachisi Kalidu Kulibali bugun jamoa bilan mashg‘ulot o‘tkazmadi. Futbolchi jarohatdan aziyat chekmoqda. Eslatib o‘tamiz, ertaga Toshkent vaqti bilan 21:45 da "ko‘klar" Avstriyaning "Zalsburg" jamoasi bilan safarda o‘ynaydi.
Shu tariqa, Kulibalining ertangi Chempionlar ligasi guruh bosqichi o‘yinida maydonga tushishi dargumon. Senegallik futbolchi Angliya Premyer-ligasining 1:1 hisobidagi durang bilan yakunlangan “Manchester Yunayted”ga qarshi so‘nggi o‘yinida ham ishtirok etmadi.
Kulibali shu yozda Italiyaning “Napoli” klubidan “Chelsi”ga o‘tgan edi. Senegallik himoyachining transferi uchun "ko‘klar" 38 million yevro to‘lashdi.
