"Милан" бош мураббийи Стефано Пиоли Чемпионлар лигаси доирасида Загребнинг "Динамо" жамоасига қарши бўлиб ўтадиган ўйиндан олдинги фикрлари билан ўртоқлашди.
"Бизни қандай муҳим ўйин кутаётганини тушуниб турибмиз ва унга имкон қадар пухта тайёргарлик кўрдик. "Динамо" ҳимояда яхши ўйнайди ва кучли сегментларга эга. Улар сафида Бруно Петкович каби кучли футболчи ўйнайди, у жамоани олдинга тортади, Мислав Оршич эса жуда тез. Асосийси, ихчам ҳаракат қилишимиз ва ҳимояда ҳам, ҳужумда ҳам қарши ҳужумларни ўткказиб юбормаслигимиз керак", - деди Пиоли УЕФА расмий сайтига.
