Каталониянинг “Барселона” клубида ўйнаётган ивуарлик ярим ҳимоячи Франк Кессиэ “кўк-анорранглилар”нинг Чемпионлар лигасидаги истиқболлари ҳақида ўз фикри билан ўртоқлашди.
“Чемпионлар лигасидаги натижаларимиздан қониқмадик. Аммо ҳозир биз тўғри йўлдамиз. "Барселона" гуруҳ босқичининг қолган ўйинларига яхши тайёргарлик кўрди. Плей-оффга чиқиш қийин, аммо имконсиз эмас. Биз бунга ишонишда давом этишимиз керак", - деди африкалик ярим ҳимоячи Sport.es билан суҳбатда.
Тўрт турдан кейин "Барселона" тўрт очко билан ўз гуруҳида учинчи ўринни эгаллаб турибди. Каталонияликлар иккинчи ўриндаги “Интер”дан 3 очко ортда қолмоқда.
Бешинчи турда Хави Эрнандес шогирдлари ўз майдонида "Бавария"ни қабул қилишади.
