Kataloniyaning “Barselona” klubida o‘ynayotgan ivuarlik yarim himoyachi Frank Kessie “ko‘k-anorranglilar”ning Chempionlar ligasidagi istiqbollari haqida o‘z fikri bilan o‘rtoqlashdi.
“Chempionlar ligasidagi natijalarimizdan qoniqmadik. Ammo hozir biz to‘g‘ri yo‘ldamiz. "Barselona" guruh bosqichining qolgan o‘yinlariga yaxshi tayyorgarlik ko‘rdi. Pley-offga chiqish qiyin, ammo imkonsiz emas. Biz bunga ishonishda davom etishimiz kerak", - dedi afrikalik yarim himoyachi Sport.es bilan suhbatda.
To‘rt turdan keyin "Barselona" to‘rt ochko bilan o‘z guruhida uchinchi o‘rinni egallab turibdi. Kataloniyaliklar ikkinchi o‘rindagi “Inter”dan 3 ochko ortda qolmoqda.
Beshinchi turda Xavi Ernandes shogirdlari o‘z maydonida "Bavariya"ni qabul qilishadi.
