Лондоннинг “Челси” клубига тегишли бўлган ҳимоячи ярим ҳимоячи Н’Голо Кантенинг “Ювентус” клубига ўтиши даргумон.
Инсайдер Экрем Қонурнинг сўзларига кўра, “кекса синьора” раҳбарияти футболчининг эҳтимолий трансферини орқага сурган. Бунга ярим ҳимоячининг жароҳати сабаб бўлган, шу сабаб у Қатарда бўлиб ўтадиган 2022 йилги Жаҳон чемпионатини ўтказиб юборади.
Канте 2016 йилнинг июлидан бери "кўклар" шарафини ҳимоя қилиб келмоқда. Унинг амалдаги шартномаси жорий мавсум охиригача мўлжалланган.
Премьер-лиганинг жорий мавсумида франциялик футболчи иккита ўйин ўтказиб, гол ура олмаган.
