Португалия терма жамоаси ва "Манчестер Юнайтед" жамоасининг марказий ҳужумчиси Криштиану Роналду январь ойидаги трансфер ойнасида жамоасини алмаштиришга тайёрланмоқда.
Sky Sports нашрининг хабар беришича, 37 ёшли ҳужумчи фаолиятини Италия А Сериясида давом эттириш вариантларини кўриб чиқишга тайёрлиги маълум бўлди.
Аввалроқ Европа ОАВларида "Наполи" Криштианунинг трансферини уюштиришга тайёрлиги ҳақида хабарлар тарқалган эди. Неаполликлар январь ойида футболчига таклиф билан чиқишга тайёр.
Роналду ёзда "манкунианликлар" сафини тарк этмоқчи эди, аммо кейин бошқа клуб билан келиша олмади. Унинг “қизил иблислар” билан шартномаси келаси ёзгача амал қилади.
Бу мавсумда Криштиану Англия Премьер-лигасида атиги битта гол урди.
