"Зальцбург" бош мураббийи Маттиас Яйссле Лондоннинг "Челси" жамоасига қарши бўлиб ўтадиган Чемпионлар лигаси гуруҳ босқичи 5-тур учрашувидан олдинги фикрлари билан ўртоқлашди. Эслатиб ўтамиз, агар "кўклар" ушбу беллашувда ғалаба қозонган тақдирда гуруҳдан чиқишни кафолатлайди.
“Биз яна аутсайдер бўламиз. Бироқ, биз дадил футбол ўйнаймиз ва шу орқали “Челси”ни қўрқитмоқчимиз” - деди Яйссле ўйин олдидан ўтказилган матбуот анжуманида.
Эслатиб ўтамиз, биринчи турда "Залцьбург" "Стэмфорд Бриж"да "Челси" билан 1:1 ҳисобида дуранг ўйнаганди. Айни пайтда Австрия жамоаси ҳисобида 6 очко бор, "кўклар"да эса 7 очко бор. "Милан" эса 4 очко билан учинчи ўринда бормоқда.
