Лионель Мессининг шартномасида аргентиналик футболчининг "ПСЖ" билан янги шартномаси бўйича музокараларида тўсиқ бўлиши мумкин бўлган банд эълон қилинди.
Get French Football News нашри хабарига кўра, 35 ёшли футболчининг юқори маоши янги шартнома тузишга тўсқинлик қилмоқда. Месси йилига 41 миллион евро олади, бу парижликлар раҳбариятини қониқтирмаяпти. Клуб раҳбарлари футболчини маошини камайтиришга кўндирмоқчи.
Ҳужумчининг "ПСЖ" билан амалдаги шартномаси муддати келаси йилнинг ўрталаригача ҳисобланган.
Франция чемпионатининг жорий мавсумида Месси 11 учрашувда 6 та гол урди ва 9 та голли узатмани амалга оширди.
