Чемпионлар лигасининг 4-тури доирасида “Челси” “Зальцбург”ни мағлуб этди (2:1).
Лондонликлар бош мураббийи Грэм Поттер клубга тайинланганидан бери мағлубиятсиз сериясини кетма-кет 9 ўйинга узайтирди. У "Челси" тарихида бу муваффақиятга эришган иккинчи мутахассис бўлди. Биринчиси 1906/07 йилги мавсумда Уильям Льюис эди.
Шунингдек, “Зальцбург” устидан қозонилган ғалаба эвазига лондонликлар Чемпионлар лигасининг плей-офф босқичига йўлланмани қўлга киритишди.
47 ёшли Поттер "Челси"ни 2022 йилнинг 8 сентябридан буён бошқариб келмоқда. Жамоа навбатдаги ўйинни 29 октябрь куни Поттер Лондон клубига қўшилишдан олдин мураббийлик қилган "Брайтон"га қарши ўтказади.
