Чемпионлар лигаси гуруҳ босқичининг 5-турида “Реал” клуби “Лейпциг”га 2:3 ҳисобида имкониятни бой бериб, жорий мавсумдаги илк мағлубиятини қабул қилди. Бироқ, "Реал"нинг италиялик мураббийи Карло Анчелотти бу мағлубиятни муаммо деб ҳисобламайди.
"Албатта, мағлубият бу мағлубият, лекин бундай мағлубият аламли эмас. Унинг учун жамоани танқид қилмайман. Баъзида мағлубият фойдали бўлади ва кейин ўнта ўйинда ғалаба қозониш имконини беради. Эртами-кечми барибир мағлуб бўлардик. Бизда ғалаба қозониш учун бошқа имкониятлар ҳам бўлади" - деди Анчелотти Marca нашрига.
