"Бенфика"дан учралган мағлубият "Ювентус"ни Чемпионлар Лигаси плей-офф босқичидан маҳрум қилди. Энди клуб Европа Лигасида иштирок этади.
Маълум бўлишича, "Ювентус" 2014 йилдан бери биринчи марта Чемпионлар лигасининг плей-офф босқичидан четда қолди.
Ўшанда "Ювентус" "Реал", "Галатасарой" ва "Копенгаген" билан бир гуруҳдан жой олиб, фақат бир марта ғалаба қозонган ва сўнгги турда кутилмаганда "Галатасарой"га мағлуб бўлган ҳамда турклардан ортда қолган гуруҳда учинчи ўринни эгаллаган.
Чемпионлар лигаси гуруҳ босқичининг сўнгги турида “Ювентус” “ПСЖ” билан, “Маккаби” эса “Бенфика” билан тўқнаш келади.