"Барселона" бош мураббийи Хави Эрнандес ёзда "Севилья"дан жамоага келиб қўшилган ҳимоячи Жюль Кундени мақтади.
Аввалроқ франциялик футболчи жароҳати сабаб бир нечта учрашувларни ўтказиб юборишга мажбур бўлган бўлса, энди у тузалиб, бир нечта ўйин ўтказишга улгурди.
"Кунде ажойиб ҳимоячи. У жуда тез, тажовузкор ва доимо диққат марказида. Юқорида айтганимдек, Жюль ўз ёшига кўра жуда етук. Мен у учун жуда хурсандман", - деди Хави матбуот анжуманида.
23 ёшли Кунде жорий мавсумда "Барселона" сафида 6 та ўйинда майдонга тушиб, 2 та голли узатмани амалга оширди.