Мадриднинг “Реал” клуби “Палмейрас”нинг 16 ёшли футболчиси Эндрикни 30-35 миллион еврога сотиб олиши мумкин, деб ёзади Marca журналисти Марио Кортегана ўз саҳифасида.
Манбага кўра, футболчи учун товон пули 60 миллион еврони ташкил этади. Бразилия клуби Франциянинг "ПСЖ" таклифини рад этган, парижликлар Эндрик учун 20 миллион евро таклиф қилишган.
Футболчи ва “Палмейрас” вакиллари футболчини 30-35 миллион евро эвазига “Реал”га қўйиб юборишга тайёр, бироқ бразилиялик ўсишда давом этса, бу миқдор ошиши мумкинлиги қайд этилган.
Эндрик 16 ёшу 3 ойлигида "Палмейрас" тарихида гол урган энг ёш футболчига айланди.
Ёш бразилиялик 2024 йилнинг июлида, яъни 18 ёшга тўлгунига қадар ҳеч қандай Европа жамоаси билан шартнома имзолай олмайди.
