Madridning “Real” klubi “Palmeyras”ning 16 yoshli futbolchisi Endrikni 30-35 million yevroga sotib olishi mumkin, deb yozadi Marca jurnalisti Mario Kortegana o‘z sahifasida.
Manbaga ko‘ra, futbolchi uchun tovon puli 60 million yevroni tashkil etadi. Braziliya klubi Fransiyaning "PSJ" taklifini rad etgan, parijliklar Endrik uchun 20 million yevro taklif qilishgan.
Futbolchi va “Palmeyras” vakillari futbolchini 30-35 million yevro evaziga “Real”ga qo‘yib yuborishga tayyor, biroq braziliyalik o‘sishda davom etsa, bu miqdor oshishi mumkinligi qayd etilgan.
Endrik 16 yoshu 3 oyligida "Palmeyras" tarixida gol urgan eng yosh futbolchiga aylandi.
Yosh braziliyalik 2024 yilning iyulida, ya’ni 18 yoshga to‘lguniga qadar hech qanday Yevropa jamoasi bilan shartnoma imzolay olmaydi.
