Англиянинг "Ливерпуль" клуби ўтган мавсумда "Ньюкасл"дан сотиб олинган ҳужумчи Энди Кэрролни қайта маршрут бўйлаб яна "Ньюкасл"га сотиб юбориши мумкин.
Аввалига "Ньюкасл" ўзининг собиқ ҳужумчисини кейинчалик сотиб олиш шарти билан ижарага олиш борасида мерсисайдликлар билан музокара олиб боришганди. Аммо, "Ливерпуль" хўжайинлари Кэрролни ижарага беришдан бош тортишди. Гап шундаки, "Ливерпуль" футболчини ёзги трансфер мавсумида сотиб юборишга қарши эмас, агар уни 20 миллион фунт стерлинга сотиб олишга ҳаридор чиқса, албатта.
Кэрролни ҳизматларидан яна фойдаланишни "Ньюкасл" клуби кўзлаб турибди. Шунинг учун Кэррол борасида иккала клуб ҳам айни пайтда яна музокаралар столига ўтиришга тайёр. "Ньюкасл" вакиллари футболчининг нарҳини 15 миллионгача туширишни кўзлаб туришибди.
