Гелзенкирхеннинг “Шальке” жамоаси янги бош мураббий номини эълон қилди. Жамоани Томас Райс бошқарадиган бўлди. Бу ҳақда немис клуби матбуот хизмати хабар бермоқда. Бугун, 27 октябрь куни унинг бошчилигидаги илк машғулот бўлиб ўтади.

"Шальке" ҳали мураббийнинг шартномаси муддатини ошкор этмади, бироқ инсайдер Фабрицио Романонинг сўзларига кўра, томонлар ўртасидаги шартнома 2024 йилнинг ўрталарига қадар мўлжалланган.

Эслатиб ўтамиз, тахминан бир ҳафта олдин "Шальке" қониқарсиз натижалар туфайли Франк Крамерни истеъфога чиқарган эди.

Бундеслиганинг 11-туридан сўнг гелзенкирхенликлар олти очко жамғариб, турнир жадвалида сўнгги ўринда бормоқда.