Gelzenkirxenning “Shalke” jamoasi yangi bosh murabbiy nomini e’lon qildi. Jamoani Tomas Rays boshqaradigan bo‘ldi. Bu haqda nemis klubi matbuot xizmati xabar bermoqda. Bugun, 27 oktyabr kuni uning boshchiligidagi ilk mashg‘ulot bo‘lib o‘tadi.

"Shalke" hali murabbiyning shartnomasi muddatini oshkor etmadi, biroq insayder Fabrisio Romanoning so‘zlariga ko‘ra, tomonlar o‘rtasidagi shartnoma 2024 yilning o‘rtalariga qadar mo‘ljallangan.

Eslatib o‘tamiz, taxminan bir hafta oldin "Shalke" qoniqarsiz natijalar tufayli Frank Kramerni iste’foga chiqargan edi.

Bundesliganing 11-turidan so‘ng gelzenkirxenliklar olti ochko jamg‘arib, turnir jadvalida so‘nggi o‘rinda bormoqda.