"Лацио" президенти Клаудио Лотито ярим ҳимоячи Сергей Милинкович-Савични сотмоқчи эмаслигини, балки 27 ёшли сербга янги шартнома таклиф қилмоқчи эканлигини айтди.
"Мен Милинкович-Савични сотмайман, унга шартномани узайтиришни таклиф қиламан. Такрор айтаман, ҳозир у 120 миллион евро туради ва ҳар ой нарх кўтарилади”, — дея Лотитодан иқтибос келтиради Il Messagero.
Ярим ҳимоячининг римликлар билан шартномаси 2024 йилнинг ёзида якунига етади. Transfermarkt уни 60 миллион еврога баҳоламоқда.
Жорий мавсумда Милинкович-Савич "Лацио" таркибида 15 та ўйинда майдонга тушиб, 4 та гол ва 7 та голли узатмани амалга оширди.
