Европа лигаси гуруҳ босқичининг 5-тури доирасидаги ўйинда ПСВ Лондоннинг "Арсенал" клубини қабул қилиб, 2:0 ҳисобида ғалаба қозонди.
Ўйиндан кейин нидерландияликлар бош мураббийи Руд ван Нистелрой ушбу натижа борасида ўз фикрлари билан ўртоқлашди.
"Учрашувнинг биринчи ярми жуда қийин бўлди. Баъзи ўйинчилар тезда кучсизлана бошладилар, чунки улар тўп учун жуда кўп курашишлари керак эди. Танаффусдан кейин ҳаммаси яхшиланди. ПСВ "канонирлар"га босим ўтказди, биз анча хавфлироқ эдик ва уларга кўп иш қилишига йўл қўймадик" - деди Руд ван Нистелрой.
Беш турдан сўнг ПСВ гуруҳда иккинчи ўринда, “Арсенал” пешқадамлик қилмоқда.
