Япониянинг “Виссел Кобе” футбол клуби ярим ҳимоячиси Андрес Иньеста, унинг фикрича, Қатарда бўлиб ўтадиган жаҳон чемпионатининг асосий фаворити бўлган жамоаларни номлади.

“Аргентина жаҳон чемпионатида ғолиб чиқишга даъвогарлардан бири. Уларда тажрибали ва ёш футболчилардан иборат ажойиб жамоа бор. Лео Месси учун бу жуда муҳим лаҳза, мен унинг ичидан қандай ҳислар кечаётганини биламан.

Жамоангизда Месси бўлса, сиз шубҳасиз фаворитлардан бири бўласиз. Фаворит бўлган бошқа жамоалар: Бразилия, Испания, Франция. Агар Лео жаҳон чемпионатида ғолиб чиқса, мен у учун хурсанд бўламан", - дея Испания терма жамоасининг собиқ футболчисининг сўзларини келтиради Tyc Sports.

Футбол бўйича 2022 йилги жаҳон чемпионати 20 ноябрдан 18 декабрга қадар Қатарда бўлиб ўтади. Амалдаги жаҳон чемпиони 2018 йилда Россияда бўлиб ўтган жаҳон чемпионатида ғолиб чиққан Франция терма жамоаси ҳисобланади.