"Реал" клуби ўзининг собиқ ўйинчиси ва президенти Сантьяго Бернабеу номи қўйилган стадиони номини ўзгартиришни кўриб чиқмоқда.
Шу йўл билан клуб кўпроқ фойда ола бошлайди. Ребрендинг Emirates компанияси билан ҳомийлик шартномаси доирасида келиб чиқилгани айтилмоқда, дея хабар беради АВС.
"Қироллик" клуби стадион номидан Сантьяго Бернабеу номи бутунлай ўчиб кетмаслиги мумкинлигини айтмоқда. Аммо барибир унга корпоратив ҳомийнинг номи қўшилади.
Emirates компанияси яқинда клуб билан 5 йиллик ҳомийлик шартномаси имзолади ва дунёнинг энг машҳур стадиони номига компания номи ҳам қўшилиши учун йилига 53 миллион евро тўлайди (Fly-Emirates-Bernabeu).
Эслатиб ўтамиз, Лондоннинг "Арсенал" клуби стадиони БАА компанияси номи билан аталади.
"Сантьяго Бернабеу" стадиони 1947 йилда очилган бўлиб, 2011 йил кенгайтирилгандан сўнг 85 454 кишилик сиғимга эга бўлди.
