"Лион" ҳужумчиси Мусса Дембеле келаси ой Қатарда бошланадиган 2022 йилги Жаҳон чемпионатида Франция терма жамоаси таркибига кириш имкониятлари ҳақида ўз фикри билан ўртоқлашди.
“Жаҳон чемпионатига боришимга ишонаман. Менда бундай турнирда қатнашиш учун барча фазилатлар бор. "Лион" учун ўйиним бу саволга жавоб беради, мен ўз максималимни кўрсатаман. Албатта, бундай кучли жамоа таркибига кириш унчалик осон эмас, аммо умидим бор", - дейди ҳужумчи.
Дембеле жорий мавсумда 9 та ўйинда майдонга тушиб, 2 та гол урди.
Гуруҳ босқичида “уч ранглилар” Дания, Тунис ва Австралия терма жамоаларига қарши баҳс олиб боради.
