"ПСЖ" келаси ёзда "Манчестер Сити"нинг 32 ёшли ярим ҳимоячиси Илкай Гюндоганни жамоага олиб келмоқчи. Журналист Маттео Мореттонинг сўзларига кўра, парижликлар футболчини "шаҳарликлар" билан шартномаси тугаши биланоқ текинга қўлга киритишмоқчи.
Манба шунингдек, ярим ҳимоячига даъвогарлар рўйхатида "Бавария" борлиги ҳақида хабар берди, бироқ кеча маҳаллий журналист Кристиан Фалк бу маълумотни рад этди.
Гюндоган 2016 йилдан буён "Манчестер Сити"да ўйнаб келмоқда ва шундан сўнг жамоа билан 4 марта Англия Премьер-лигасида ғолиб чиққан, шунингдек, бир нечта кубок турнирларида ғалаба қозонган.
