Махачқалъанинг "Анжи" клуби Евролиганинг иккинчи саралаш босқичи дастлабки учрашувида Венгриянинг "Гонвед" клуби устидан 1:0 ҳисобида устун келди.
Бош мураббий жамоа ўйинига шарҳ берар экан, журналистнинг Жирков ҳақидаги саволга шундай жавоб берди:
- Жирков Европа чемпионатида қатнашгани сабаб, жамоага кеч қўшилди. У биз билан икки ҳафтадан буён шуғулланмоқда. Биринчи бўлимда у яхши ўйнади, ягона голимиз ҳам унинг юришидан кейин киритилди. Аммо иккинчи таймда унинг бакида бензин тугаб қолди. Бу фақат унга тегишли эмас. Мавсум энди бошланмоқда, ҳамма кучга тўлиши керак.
