"Ювентус" вице-президенти Павел Недвед Антонио Контенинг Турин клубига бош мураббий сифатида қайтиши мумкинлиги ҳақидаги маълумотларга муносабат билдирди. Ҳозирда у "Тоттенхэм"ни бошқармоқда.
“Бизнинг позициямиз ўзгармади. Массимилиано Аллегри раҳбарият ва футболчиларнинг тўлиқ ишончига эга, - дея Недведнинг сўзларини келтиради Sport Mediaset DAZN нашрига таяниб.
Қайд этилишича, “Ювентус” Конте ёш футболчилар билан яхши ишлай олади, деб ҳисоблайди. Хабар қилинишича, агар у собиқ жамоасидан таклиф тушса, уни қабул қилишга тайёр. Унинг "шпорлар" билан шартномаси 2023 йилнинг ёзида якунига етади.
