“Навбаҳор” ҳамда “Насаф” жамоалари ўртасидаги Ўзбекистон кубоги финал учрашувидан (1:2) сўнг матбуот анжумани бўлиб ўтди. Унинг иккинчи қисмида қаршиликлар устози Рўзиқул Бердиев ҳамда ўйиннинг энг яхши футболчиси Лима Круз Матеус иштирок этди.
“Биринчи бўлимда мазмунли сифатли ўйин кўрсатдик. Иккинчи тайм ўртасига қадар бу даражани сақлаб турдик. Аммо гол ўтказиб юбордик. Балки, бу чарчоқ аломатидир.
Қўшимча бўлимларда эса йигитлар қийин бўлсада, ўзларида куч топа билишди ва рақиб дарвозасига гол киритишга муваффақ бўлдик. Албатта, бу ғалабага барча ўз ҳиссасини қўшди.
Таъкидлаб ўтиш лозим, иккинчи киритган голимизда Абдураҳматов ўз маҳоратини намойиш этди. Ўйлашимча, барчани хурсанд қилган ғалабага эришдик.
Олий мақсадимиз Суперлига ғолиблигига қаратилган. Йигитлар билан гаплашиб олдик, биз ҳозирданоқ “Динамо” билан ўйинга тайёргарликни бошлашимиз зарур", – деди Бердиев.
