"Милан"нинг собиқ устози Арриго Сакки жамоа етакчиларидан бири - португалиялик ҳужумчи Рафаэль Леаунинг беқарор ўйинлари ҳақида фикр билдирди.
Унинг таъкидлашича, Леау баъзида майдондаги ҳаракатлари билан безовта қилади, лекин шу билан бирга у тўсатдан портлаши мумкин. Саккининг сўзларига кўра, Загребнинг "Динамо" жамоасига қарши ўйинда айнан шундай бўлган.
"Леауга нима етишмаяпти? Барқарорлик йўқ. Загребда аввалига зерикди, кейин чиройли гол урди. Шунингдек, у ҳимояда кўпроқ ишлаши, "Милан" жарима майдончаси яқинида ишлаши керак", - деди Арриго Сакки pianetamilan.it билан суҳбатда.