"Наполи"нинг ҳужумкор ярим ҳимоячиси Хвича Кварацхелия А Серия 12-турида "Сассуоло" устидан қозонилган йирик ғалаба (4:0) ҳақида гапирди.

“Браво, йигитлар. Ҳисобимизда навбатдаги учта очко. Осимхон, хет-трик билан табриклайман”, - деб пост қолдирди грузиялик футболчи ижтимоий тармоқларида.

2022/2023 йилги мавсумда 21 ёшли ярим ҳимоячи неаполликлар сафида 16 та ўйинда иштирок этиб, 8 та гол ва 10 та голли узатмани амалга оширди.

Ўтказилган 12 тур якунларига кўра, "Наполи" 32 очко жамғариб, Италия чемпионати турнир жадвалида биринчи ўринни эгаллаб турибди. Неаполликлар А Сериядаги навбатдаги ўйинини “Аталанта”га қарши ўтказади.