Яқинда жароҳатидан сўнг машғулотларга қайтган Туриннинг "Ювентус" клуби ярим ҳимоячиси Поль Погба яна жароҳат олди.
Бу ҳақда Gazzetta dello Sport нашри хабар бермоқда. Шу сабабли франциялик футболчининг бўлажак Жаҳон чемпионатида иштирок этиши катта сўроқ остида турибди.
Эслатиб ўтамиз, Погба мениск жароҳати туфайли жорий мавсумда бирорта ҳам расмий ўйинда майдонга тушмади.
ЖЧ-2022 Қатарда бўлиб ўтади. Турнир 20 ноябрдан 18 декабрга қадар давом этади. Франция амалдаги чемпион. Дидье Дешам шогирдлари Тунис, Дания ва Австралия жамоалари билан бир гуруҳда ўйнайди.
