Мадриднинг “Реал” клуби ҳимоячиси Даниэль Карвахаль кеча “Жирона”га қарши кечган ва 1:1 ҳисобидаги дуранг билан якунланган учрашув натижаси ҳақида фикр билдирди.
Эслатиб ўтамиз, “қироллик клуби” уч очкони қўлга кирита олмади, чунки ҳакам пенальти белгилади ва бу меҳмонларга якунда ҳисобни тенглаштириш имконини берди.
“Ҳакам аллақачон қарор қабул қилди ва иш бажарилди. Ҳаммаси ўтмишда қолди, бор эътиборимизни келажакка қаратишимиз керак", - деди Карвахаль ўйиндан кейинги интервьюсида.
Эслатиб ўтамиз, энди "Реал" ва "Барселона" ўртасидаги фарқ бир очкога қисқарди. “Кўк-анорранглилар” дам олиш кунлари “Валенсия” меҳмони бўлиб, Роберт Левандовскининг голи эвазига ғалабани қўлга киритди.
