Донецкнинг "Шахтёр" клуби яримҳимоячиси Бразилиялик Виллиан клубни тарк этиши мумкинлиги ҳақидаги хабарларга шарҳлаб берди.
"Менга қандай нарх қўйилаётганидан қатъий назар, мен "Челси"да ўйнашни жуда хоҳлаяпман. Мени қўйиб юборишмаётгани хафа қиляпти. Бу мен учун ҳам, клуб учун ҳам яхши бўлар эди. Катта шаҳарга кўчиб ўтиш, профессионал жиҳатдан ўсиш. Бу менинг баёнотим эмас, кетишни хоҳлаётганимни ҳамма билади.
Мен "Шахтёр" билан ўсдим, совринлар ютдим, клубга ёрдам бердим. Умид қиламанки, энди клуб ҳам мендан ёрдамини аямайди. Ҳеч нарсадан шикоятим йўқ, менга яхши муносабатда бўлишди, яхши пул тўлашди, аммо менинг фаолиятимда ўзгаришлар пайти етди. Менинг бу ердаги ишим тугади", - дея Виллианнинг сўзларини келтиради Бразилия матбуоти.