"Бавария" ҳимоячиси Бенжамен Павар жамоасининг сўнгги икки ўйинида захирада қолиб кетганидан ҳафсаласи пир бўлди. Бу ҳақда немис журналисти Флориан Плеттенберг ижтимоий тармоқларда хабар берди.
Манба берган хабарга кўра, футболчининг норозилигига бош мураббий Юлиан Нагельсманн икки учрашувда уни захирада қолдириш қарорини тушунтирмагани ҳам сабаб бўлган.
"Барселона" билан Чемпионлар лигаси ўйинида Павар 67-дақиқада захирадан майдонга тушди ва якунда гол уришга муваффақ бўлди. Бундеслига доирасидаги “Майнц” билан беллашувда франциялик футболчи 45 дақиқани майдонда ўтказди.
