"Бавария" бош мураббийи Юпп Хайкенс жамоанинг Хитой турнесига сардор Филипп Лам ва яримҳимоячи Бастиан Швайнштайгернинг бормаслик сабабларини айтиб ўтди.
- Бу қарорга мен Евро-2012 пайтиёқ келган эдим. Швайнштайгерни жуда яхши биламан ва унинг ҳолатини ҳаракатларидан, гап-сўзларидан ва юз ифодасидан аниқлай оламан. Унинг соғлиги билан муаммолар бор эди, энди у бироз дам олиши керак.
Лам эса бир неча йилдан буён жуда кўп ўйин ўтказяпти. У ҳозир яхшиси дам олгани ва Хитой сафаридан қайтганимиздан сўнг қўшилгани маъқул, - дея Хайкенснинг сўзларини келтиради клуб расмий сайти.
Эслатиб ўтамиз, мюнхенликларнинг Хитой сафаридаги рақибларидан бири "Вольфсбург" бўлади.
