«Ювентус» ярим ҳимоячиси Поль Погба Қатардаги жаҳон чемпионатида иштирок этмайдиган бўлди.
Футболчининг агенти Рафаэла Пимента хабар беришича, 29 ёшли ўйинчи жароҳат туфайли Франция терма жамоаси сафида Мундиалга бора олмайди.
«Шуни афсус билан маълум қиламанки, Поль Погба операциядан кейин қўшимча тикланиши курсини ўташи керак. Шу боис, у Қатардаги жаҳон чемпионатида Франция терма жамоасига ёрдам бера олмайди», – деди агент.