Журналист Николо Скиранинг хабарига кўра, "Интер" ва Амстердамнинг "Аякс" клублари "Дефенсор Спортинг" ҳимоячиси Алан Маттурога қизиқиш билдирмоқда.
Манбанинг хабарига кўра, Италия ва Нидерландия клублари қишки трансфер ойнасида футболчини сотиб олиш вариантини кўриб чиқмоқда. Футболчининг шартномасидаги товон пули олти миллион еврони ташкил қилади.
18 ёшли Маттуро жорий мавсумда “Дефенсор” сафида 24 та ўйинда майдонга тушиб, 2 та гол урди ва 2 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.