"Барселона" ҳужум чизиғи билан боғлиқ муаммоларга дуч келмоқда, чунки ҳужумчи Роберт Левандовскидан ташқари унга тенг келадиган ўринбосар йўқ ва Мемфис Депай қишда жамоани тарк этиши мумкин. Sport.es хабарига кўра, Каталония клуби 1 январдан эркин агентга айланадиган "Атланта Юнайтед"нинг венесуэлалик 29 ёшли ҳужумчиси Хосеф Мартинес хизматига мурожаат қилиши мумкин.
Мартинеснинг жамоасини тарк этишига жамоа бош мураббийи Гонсало Пинеда билан зиддият сабаб бўлмоқда. Шу муносабат билан клуб раҳбарияти футболчининг 31 декабрда тугайдиган шартномаси тугаганидан сўнг дарҳол қўйиб юборилишини маълум қилди.
Бу йил форвард МЛСда жамоаси учун 20 та ўйин ўтказиб, 9 та гол урди ва 4 та голли узатмани амалга оширди.