"Ювентус" қишки мавсумда яна бир йирик трансферни амалга оширмоқчи, худди 2022 йилнинг январида "Фиорентина" ҳужумчиси Душан Влахович жамоага қўшилганида бўлгани каби. La Gazette Dello Sport хабарига кўра, 2023 йил бошида Турин клуби "Лацио" ярим ҳимоячиси Сергей Милинкович-Савични трансфер қилмоқчи.
Айни дамда “Ювентус” футболчининг атрофидагилар билан эҳтимолий трансферга замин яратиш учун мўътадил музокаралар олиб бормоқда. Бироқ бу трансфернинг келажаги кўп жиҳатдан яна жароҳат олиб, бир муддат сафдан чиққан "кекса синьора" ярим ҳимоячиси Поль Погба билан боғлиқ вазиятга боғлиқ.
Погба 2023 йил бошига келиб ўз формасига қайтиши кутилмоқда, бу вақтда Милинкович-Савичнинг трансфери сўроқ остида қолиши мумкин. Бироқ сербиялик футболчини Англия Премьер-лигаси клублари диққат билан кузатиб бормоқда ва улар қишда футболчини трансфер қилиш таклифи билан чиқишлари мумкин.
