"Арсенал" АПЛнинг 14-тури доирасида "Ноттингем Форест"ни 5:0 ҳисобида мағлуб этди.
Лондон клуби матбуот хизмати хабарига кўра, ушбу ғалаба "Эмирейтс" стадионидаги қаторасига 300-ғалаба бўлди.
"Арсенал" бу аренага 2006 йилда кўчиб ўтган. Стадиондаги илк ғалаба Чемпионлар лигаси саралашида Загребнинг "Динамо"сига қарши (2:1) бўлганди.
300 та ғалабадан 203 таси Премьер-лигада, 37 таси Чемпионлар лигасида, 22 таси Лига кубогида, 21 таси Англия кубогида, 17 таси Европа лигасида қўлга киритилган. "Эмирейтс"да 300 та ғалаба қозониш учун "Арсенал"га 449 та ўйин керак бўлди.