"Барселона" ҳужумчиси Мемфис Депай қишки трансфер ойнасида клубини ўзгартириши мумкин. Mundo Deportivo хабарига кўра, футболчига "Рома" клуби қизиқиш билдирмоқда.
Аввалроқ, ҳужумчи хизматларига Туриннинг "Ювентус" клуби қизиқаётгани ҳақида маълумотлар пайдо бўлганди. "Кекса синьора" ўтган ёзда Мемфис билан музокара олиб борганди, бироқ ўшанда томонлар трансфер бўйича келиша олишмаган.
Депайнинг "Барса" билан шартномаси 2023 йилнинг ёзига қадар амал қилади. Transfermarkt портали футболчининг нархини 25 миллион еврога баҳоламоқда.
Жорий мавсумда футболчи "Барселона" сафида барча турнирларда бор йўғи 3 та ўйин ўтказиб, 1 та гол урган.
Эслатиб ўтамиз, римликлар ҳужумида ҳозирда Тэмми Абрахам, Пауло Дибала, Стефан Эль-Шаарави ва Элдор Шомуродов каби футболчилар йиғилган.
