Чемпионлар лигаси гуруҳ босқичининг сўнгги ўйинида "Барселона" меҳмонда Чехиянинг "Виктория" жамоасини мағлуб этиб, тўртта гол урди. "Барселона"нинг иккита голини Ферран Торрес киритди.
"Биринчи навбатда жамоага ёрдам беришга ҳаракат қиламан. Бугун мен ҳужумда ўйнадим, лекин одатда қанотларда ўйнайман. Мен жамоа талаб қиладиган ҳар қандай позицияда ўйнашга тайёрман", - дея Торреснинг сўзларини келтиради "Барселона" матбуот хизмати.
Баҳорда Каталония клуби Европа лигасида ғолиблик учун курашади - бу жамоа ҳеч қачон ғалаба қозонмаган турнир.
