"Бавария" ҳужумчиси Садио Мане ўзининг собиқ жамоаси билан юзага келиши мумкин бўлган қарама-қаршилик ҳақида қандай фикрда эканлигини айтди.
Сенегаллик ўтган ёзда айнан "Ливерпул"дан "Бавария"га кўчиб ўтган эди. Мюнхенликлар Чемпионлар лигасида ўз гуруҳида ишончли ғалаба қозонишган бўлса, Юрген Клопп жамоаси ўз квартетида биринчи қаторни "Наполи"га бой берди. Шу тариқа қуръа собиқ ва ҳозирги Мане жамоаларини турнирнинг 1/8 финалида бирлаштириши мумкин.
“Қуръада ҳамма нарса бўлиши мумкин. Келинг, душанба куни қандай бўлишини кўриб чиқайлик. Албатта, агар шундай бўлиб чиқса, бу мен учун ўзига хос ўйин бўлади", - дея Маненинг жавобидан иқтибос келтиради журналист Хайко Ниддерер.
