"Барселона" бош мураббийи Хави Эрнандес жамоанинг Чемпионлар лигасидаги ўйинини сарҳисоб қилди.
“Умумий баҳолаш қониқарли эмас. Энди биз Европа Лигасида ўйнашимиз керак, у ерда яхши жамоалар кўп. Турнирда ғалаба қозониш учун охиригача курашамиз – бу бизнинг мақсадимиз.
Ўйлашимча, бугун биз ҳужумда яхши ўйнадик, бироқ ўз дарвозамиз олдида рақибга керак бўлганидан кўра кўпроқ имконият бердик - жуда кўп имкониятлар, кераксиз бурчак тўплари ва қоидабузарликлар", - деди Хави "Виктория" билан ўйиндан сўнг.
