Сўнгги ойларни ўз ватанида "Насьональ" клубида ўтказган уругвайлик ҳужумчи Луис Суарес фаолиятини Америка Қўшма Штатларида давом эттиради. Тўпурар "Лос-Анжелес Гэлакси"га ўтишга яқин турибди.
Эслатиб ўтамиз, Суареснинг амалдаги клуби билан шартномаси шу йил охиригача мўлжалланган. Шартнома муддати тугагач, Луис Калифорния жамоасига қўшилади.
35 ёшли ҳужумчи жорий мавсумда “Насьональ” сафида 12 та ўйинда майдонга тушиб, 5 та гол урди.
Европада Луис каталонияликларнинг “Барселона”, “Ливерпуль”, Мадриднинг “Атлетико” ва “Аякс” клублари шарафини ҳимоя қилган.
